Tao gumising ka!

Imulat ang iyong mga mata

at tunghayan ang iba't-ibang sakuna

na nagpapahamak sa buhay ng madla

 

Tao gumising ka!

ng bukas mo'y maisalba

kapaligira'y pansinin mo

at dinggin ang kanyang panghihingalo

 

Tao gumising ka!

sagipin ang inang kalikasan

upang kalamidad ay maiwasan

at makamtan ang hinahangad na kapayapaan

 

Tao gumising ka!

buhayin ang kalikasang nawawala

tulungan mong lumago ang kalikasang nakakalbo

upang sa sakuna'y, tayo'y malayo

 

                                 By: Janiecel T.

 

 

 

Hawak Kamay

 

Ikaw ba'y tagapangalaga ng kalikasan

na ginagampanan ang tungkulin?

o ikaw ba'y tagawasak ng kalikasan

na kinakalimutan ang kinabukasan?

 

Isipin mo ang iyong kapaligiran

ng malaman mo ang iyong tungkulin

at mabigyan ng katuparan

ang dalangin ng mga kabataan

 

Pagiging makasarili ay iwaksi

ng kabutihan ay maibahagi

sa mga madlang nagdadalamhati

at mabuting kalusugan ang tanging hinihingi

 

Hawak kamay nating ibangon ang kalikasan

ng sakuna ay maiwasan

at kaunlaran ay makamtan

tungo sa tunay na kapayapaan

 

                                            By: Janiecel T.

 

 

 

Tao..... May Magagawa ka!

 

Ang kalikasan noon ay sariwang-sariwa

Tao'y namumuhay ng masagana't payapa

Kontento na sa mga bagay na nakikita sa lupa

Na siyang Poong Maykapal ang may gawa.

 

Lumipas ang panahon, tao'y naghahanap

Nag-imbento't gumawa ng mga istruktura

Inang kalikasa'y unti-unting kinunan ng buhay

Upang kanilang luho'y mabigyan ng kulay.

 

Mayroon mang mga kalamidad noon

Pero ito'y natural na timpla ng panahon

Ngunit kung iyong papansinin sa ngayon

Tao ang dahilan kung kayat kalamidad ay naranasan  

 

Tao.....may magagawa ka!!!

Kung sa sarili mo, ika'y may prinsipyo't disiplina

Magtanim ng mga puno't, huwag magtapon ng basura

Kahit sa simpleng paraan naman may maitulong ka.

                     

                                    by: S.Matangong

 

 

 

Ang aking Maliit na Tinig

 

Akoy isang buto na tumubo dito sa mundo

Marami ang mga nag-alaga sa akin pati katutubo

Ngunit sa pagdami ng mga tao, buhay koy nagbago

Imbis akoy lalaki at masilayan ang kasamahang gaya ko

Butong tulad ko ay unti- unting nawawala.

 

Pagdating ng sakuna maraming tao ang nababahala

Lumingon ako doon at dito

Ang nanay kong punong-kahoy at kapatid

Putol na at tangay ng malakas na agos  ng baha.

Wala akong magawa, sapagkat maliit kong tinig

ay hindi naririnig

 

Tulungan mo ako malaking tao

Na ang iyong boses ay mas naririnig ng kapwa mo tao

Tapon doon at dito ng mga basurang galing sa tao

At maging sa pagputol ng kahoy ay sana.

Mapigil mo ! malaking tao,

Maawa ka sa akin, na sana ang butong kagaya ko

ay lumaki at lumago.

Dingin mo malaking tao ang maliit kong tinig na

na humuhingi ng tulong......

Tao, tulungan mo ako

.

                                           by. Gawahan, Pinky Rose

 

 

Maiwasan lang natin ang tinatawag na sakuna kapag ang bawat isa sa atin ay pangangalagaan ang kalikasan. Huwag natin itong abusuhin upang sa ganun walang mangyayaring sakuna katulad ng baha. Dapat iwasan natin ang mga bagay bagay na siyang nagdudulot ng hindi maganda sa ating kalikasan. Iwasan ang palaging pagputol ng mga punongkahoy dahil yon ang naging pangunahing dahilan kung bakit nagkaroon ng ganitong pangyayari.

 

Dapat  magtanim ng mga punongkahoy at huwag natin itapon ang ating mga basura kahit saan saan lang .Dapat ilagay natin ito sa tamang paglalagyan at sundin natin ang tinatawag nating 3R'S kung saan ito ay ang REUSE REDUCE RECYCLE.

 

                         By; Alas, Mary Ann A.